თბილისის სახელოსნო

სარეცხი მანქანის მონტაჟი შეკეთება / Sarecxi manqanis montaji sheketeba

უპირველეს ყოვლისა, არ იჩქაროთ და გაზომეთ ფართობი სადაც გეგმავთ სარეცხი მანქანის დადგმას. ღრეჩოები მის გვერდებს და გარშემო ავეჯის ან შენობის კედლებს შორის არ უნდა იყოს 1 სმ ნაკლები, თანაც გაითვალისწინეთ გასაღების ლუქი სარეცხის ჩატვირთვისთვის. ტექნიკის მაქსიმალური შრომისუნარიანობის ასევე ერთ-ერთი მთავარი პირობა არის სწორი, არა სრიალა და მყარი იატაკი, საუკეთესოა კერამიკული ფილა ან ბეტონის ფუძე. წინააღმდეგ შემთხვევში მანქანის მუშაობის დროს შეიძლება წარმოიქმნას მეტისმეტად ძლიერი ვიბრაცია, რაც გამოიწვევს თქვენი სარეცხი მანქანის სწრაფ გაფუჭებას.

ფიცრის იატაკზე არ ამოუდოთ რეზინის ხალიჩები, ვიბრაციას უფრო ეფექტურად დაძლევს კარგად დამაგრებული ფიცარი. მნიშვნელოვანი კომუნიკაციებთან წვდომა - ცივი წყლის მილთან, კანალიზაციასა და ელექტრობასთან. ამასთან არც ერთ შემთხვევაში და დააყენოთ სარეცხი მანქანა ისეთ ოთახში, სადაც ჰაერის მინუს ტემპერატურაა. რეცხვის შემდეგ მოწყობილობაში დარჩენილმა წყალმა შეიძლება გახეთქოს ტუმბო ან შლანგი. ასევე არ არის რეკომენდირებული სარეცხი მანქანის დაყენება სააბაზანო ოთახში. მაღალი ტენიანობის ოთახში მდებარეობა მნიშვნელოვნად შეამცირებს მოწყობილობის მუშაობის ვადას, ხოლო ელექტრობის შეერთება დაკავშირებულია გარკვეულ სირთულეებთან. სამზარეულო ან, თუ არის შესაძლებლობა, წინა ოთახი, დერეფანი, საკუჭნაო უფრო გამოდგება.

სარეცხი მანქანის დაყენება

თვენ გჭირდებათ სარეცხი მანქანის ხელოსანი, თუ თქვენ მოიტანეთ თქვენი შენაძენი სახლში და ერთი სული გაქვთ როდის შეუდგებით მის გამოყენებას. თავიდან მოხსენით უკანა მხარე, წინასწარ მოუშვით რა სატრანსპორტო ჭანჭიკები, და გამოიღეთ ფიქსატორი უკანა მხრისა და ავზის შორის. თუ არის დამატებითი მამკვრივებლები, ისინი ასევე უნდა ამოაცალოთ. სარეცხი მანქანის დოლურა «ჩამოიკიდება» ზამბარებზე და შეიძლებს თავისუფლად ბრუნვას ორივე მხარეს. ჭანჭიკების მოშვების შემდეგ დახურეთ გაჩენილი ხვრელი პლასტმასის სახშობებით, რომლებიც შედის სარეცხი მანქანის კომპლექტში. როდესაც აგრეგატს დადგამთ შერჩეულ ადგილას აუცილებლად გაასწორეთ მისი მდგომარეობა მაქსიმალურ სიმყარემდე. საჭიროა, რომ ყველა 4 ფეხი ურყევად იყოს მიბჯენილი იატაკზე და მკაცრად ჰორიზონტალურად უნდა იყოს სარეცხი მანქანის ზედა კიდე (დასაშვებია მაქსიმუმ 2 გრადუსის დახრა). დაყენების სისწორის შემოწმება შეიძლება სარეცხი მანქანის ზედა თავის კუთხეებზე მსუბუქი დაწოლით, მოწყობილობა არ უნდა მერყეობდეს.

სარეცხი მანქანის შეერთება ელექტრობასთან

ენერგიის დაზოგვის კლასის სარეცხი მანქანისთვის დამახასიათებელია წესით 2-2,5 კვტ ელექტროენერგიის მოხმარება. ასეთი აგრეგატების შეერთებისათვის საჭიროა, რომ ქსელმა გაუძლოს მოცემულ დატვირთვას; ჩამიწებული მანაწილებელი დაფა; ნომინალურ დენზე 15-30A გათვლილი მრიცხველი და სამსადენიანი როზეტი (ფაზა, ნული, დამიწება). ელექტროდაფას ამიწებენ სპეციალური არა ნაკლებ 3 მმ კვეთის მქონე სალტით, ძველ ნაგებობებში დამიწებას ასრულებენ ნულიანი სალტით. დამიწების სადენი საგულდაგულოდ უნდა იყოს იზოლირებული, ასევე კატეგორიულად აკრძალულია მისი შეერთება ცენტრალური გათბობის ბატარეებთან, წყალ ან გაზის მომარეგების მილებთან! უმჯობესია ტენისგან დაცული როზეტის გამოყენება, რომელიც მოთავსებულია 30-35 სმ ფარგლებში აპარატისგან. ელექტროდაფასთან შეერთებული 2მმ კვეთის მქონე ცალკეული სამძარღვიანი სპილენძის სადენის დახმარებით თქვენ შეგიძლიათ 16A დამცავი ავტომატის დაყენება. 3,6 კვტ დატვირთვის მიღწევისას ხდება ელექტროენერგიის მიწოდების ავტომატური გათიშვა და თქვენი ტექნიკა არ დაზიანდება ელექტროქსელის გადატვირთვისგან.

სარეცხი მანქანის შეერთება წყალსადენთან

თუ თქვენ შეიძინეთ ამერიკული ან იაპონური სარეცხი მანქანა ცხელ წყალთან შეერთების შესაძლებლობით არ იჩქაროთ ამის გაკეთება. ჩვენი ცხელი მილები აუცილებლად გაგაოცებთ ჟანგიანი ლაქებისა და გაფუჭებული ქსოვილების სახით. ხოლო ცივი წყალი მანქანაში უნდა შევიდეს იმავე კვეთის მქონე მილით, რომელშიც ის გადის მთელ ბინაში (სახლში). უფრო მეტიც, წყალსადენის მანქანასთან ახლო მონაკვეთზე საჭიროა ჩამკეტი ონკანი, რომელიც გადაკეტავს წყლის მიწოდებას სარეცხ მანქანაში (გაჟონვის შემთხვევაში). ამისათვის შესაბამისი სამაგრისთვის მოგიწევთ ახალი ჭრის მომზადება. რეკომენდირებულია ასევე ფილტრის - დამცავი ბადის დაყენება, რომელიც აარიდებს სხვადასხვა მექანიკური ნაწილაკების მოხვედრას მილსადენიდან მანქანის დოლურაში. სასურველია ყოველი რეცხვის შემდეგ წყლის მიწოდების სრულად გადაკეტვა, და ფილტრის პერიოდულად გაწმენდა. რა თქმა უნდა, თუ თქვენი სარეცხი მანქანა აღჭურვილია გაჟონვისგან დაცვით AquaStop (ზოგიერთ მწარმოებელს AquaAlarm, Aqua-Control, Waterproof), მაშინ ჩამკეტი ონკანის საჭიროება არ არსებობს. აგრეგატის გამორთვის დროს წყალს ავტომატურად კეტავს ელექტრომაგნიტური სარქველი, რომელიც მოთავსებულია ჩასასხმელი შლანგის ბოლოში (ჰერმეტულ ფსკერზე). ამასთან თავად შლანგი დამაგრებულია უშუალოდ წყლის ნიჟარიდან გადაღვრაზე. ასეთი შეერთება სრულიად გამორიცხავს გაჟონვას. დროებითი შეერთების სახით შეიძლება სარეცხი მანქანის წყალსადენთან შეერთება შემრევის მეშვეობით. ამისათვის თქვენ დაგჭირდებათ უფრო გრძელი შლანგი, რომლის შეერთება მოგიწევთ ყოველ ჯერზე რეცხვის წინ. თუმცა მოცემულ შემთხვევაში თქვენი ტექნიკა საიმედოდ იქნება დაცული შესაძლო გაჟონვისგან, რადგან უბრალოდ ფიზიკურად შემშვები შლანგი გამორთულია.

სარეცხი მანქანის შეერთება კანალიზაციასთან

მნიშვნელოვანია, რომ ჩამოსასხამი მილყელი (დუიმი კვეთის, მიეწოდება სარეცხი მანქანის კომპლექტში) იყოს გასწორებული მთელ სიგრძეზე, ხისტად დამაგრებული სარეცხი მანქანის უკანა მხარეზე და არ გაუჩნდეს ნაკეცი. ის უნდა იყოს დაფიქსირებული იატაკიდან 60-80 სმ სიმაღლეზე. საჭიროების შემთხვევაში მისი დაგრძელება შეიძლება მანჟეტების (რეზინის შუასადებების) დახმარებით, მაგრამ არა უმეტეს, ვიდრე 2-2,5 მეტრზე. გარდა ამისა სარეცხი მანქანების პრაქტიკულად ყველა მწარმოებელი იძლევა რეკომენდაციას, რომ ჩამოსასხამი შლანგი იყოს განლაგებული U ასოს ფორმაში. ეს საჭიროა იმისათვის, რათა შლანგში ჩარჩენილმა წყალმა შექმნას წყლის საკეტი და შეაფერხოს ჰაერის შეღწევა კანალიზაციიდან მანქანაში.

სარეცხი მანქანიდან წყლის გადაღვრისთვის შეიძლება ჩამოსასხამი მილყელის დამაგრება ნიჟარასა ან აბაზანაში, მაგრამ ეს არის სანდო. ყოველთვის არის რისკი, რომ შლანგი ძლიერი დაწნევისგან გადმოვარდება ან ვინმე წამოედობა მას და წყალი დაიქცევა იატაკზე. უმჯობესია სტაციონარული გადასაშვების გაკეთება, ამისათვის სპეციალური სიფონის დაყენებით. როდესაც მანქანა ბოლოს და ბოლოს შეერთებულია ელექტრობასთან, მოწესრიგებულია წყლის შეგროვება და გადაღვრა, თქვენ თამამად შეგიძლიათ საცდელი გაშვების ჩატარება. არავითარი თეთრეული - მხოლოდ სარეცხი ფხვნილი (იყრება ქარხნული აწყობის შემდეგ წვრილი ნაგვის ამოსარეცხად და ცხიმოვანი საზეთის მოსაშორებლად). ცარიელი რეცხვის დროს არ უნდა იყოს გაჟონვა, არავითარი გარეშე ხმაური და ზედმეტი ვიბრაცია, დოლურა უნდა ტრიალებდეს და 5-7 წუთში ავზის წყლით გავსების შემდეგ უნდა ხდებოდეს მისი გათბობა. რეცხვის დასრულების შემდეგ აუცილებელია, რომ ნორმალურად ფუნქციონირებდეს გადასხმა და გაწურვა.

ნებისმიერი ეჭვის შემთხვევაში არ გარისკოთ და გამოიძახეთ სპეციალისტი. სარეცხი მანქანის სწორი დაყენება თქვენი სუფთა თეთრეულის გარანტიაა. მასტერი N1 დახმარებით თქვენ იპოვით კვალიფიციურ სანტექნიკოსს, რომელიც შეძლებს თქვენი სარეცხი მანქანის უმოკლეს დროში სწორად შეერთებას. სანტექნიკოსის მოსაძებნად თქვენ მხოლოდ უნდა შეავსოთ განაცახდი, სადაც აღწერთ თქვენს საჭიროებას და დააწესებთ თანხას ამ დავალების შესრულებისთვის.

სხვა სერვისები

ავეჯის დაშლა აწყობა (საწოლი, გარდერობი და სხვა) / avejis dashla awyoba (sawoli, garderobi da sxva)

ავეჯის აწყობა როგორ ავაწყოთ კომპიუტერის სამუშაო მაგიდა კომპიუტერის მაგიდები სხვადასხვა კონფიგურაციით იქმნება. თქვენ შეგიძლიათ საკუთარი კომპიუტერის მაგიდის შექმნათ თავადვე, ამისათვის კი მიჰყევით ქვემოთ მოცეულ თითოეულ ნაბიჯს: ნაბიჯი 1 დაალაგეთ აპარატურა, როგორიცაა ხრახნები, ლითონის ფირფიტები, კამერები და შურუპები. ამ ხელსაწყოებისგან განცალკევებით, კომპიუტერის მაგიდის ნაჭრები / ნაწილები განათავსეთ რბილ ხალიჩაზე მათი რიცხვების ან ასოების მიხედვით. ნაბიჯი 2 მოათავსეთ

სრულად

კარის გაღება / karis gageba

კარის გაღება კარის საკეტები უზრუნველყოფს უსაფრთხოებას და სიმშვიდეს, მაგრამ არც თუ ისე ხშირად, დგება მომენტი, როდესაც კარის საკეტი ხდება მთავარი მიზეზი, რის გამოც კარს ვერ აღებთ. მაგალითად, შეიძლება საკეტი გაიჭედოს, შემთხვევით საკეტის კლავიშები არასწორ მხარეს დატოვოთ, გასაღები სახლში დაგრჩათ, და სხვა, კიდევ მრავალი მიზეზი შეიძლება დასახელდეს. თუმცა, უნდა გახსოვდეთ რომ გასაღებით გაღების გარდა, არსებობს სხვადასხვა გზა ჩაკეტილი კარის გასაღებად. ყურადღებით გაეცანით ქვემოთ დასახელებულ სხვადასხვა შემთხვევას და ყველა შესაძლო გზას, ჩაკეტილი კარის გასაღებად. კარის გაღება ინსტრუმენტების გამოყენებით სუსტი

სრულად

კონდიციონერის ხელოსანი (შეკეთება, მონტაჟი) / kondicioneris xelosani (sheketeba, montaji)

კონდიციონერის ხელოსანი კონდიციონერი ერთ-ერთ საჭირო და მნიშვნელოვანი საყოფაცხოვრებო (და არამარტო საყოფცხოვრებო) ტექნიკაა, რომელიც განსაკუთებით ცხელი ზაფხულში, სიცხის დასაძლევად საუკეთესო საშუალებაა. თუმცა, იმისათვის, რომ კონდიციონერმა ეფექტურად იმუშავოს და სათანადოთ გააგრილოს ოთახი, საჭიროა რაიმე ხარვეზის შემჩნევისთანავე ყურადღება მიაქციოთ და დამატებითი პრობლემა თავიდან აიცილოთ. მაგალითად, როდესაც ცენტრალური კონდიცირების სისტემა ვერ ახერხებს სითბოს სათანადოდ დაძლევას, აუცილებელია მიმართოთ კონდიციონერის ხელოსანს. ქვემოთ განხილულია სხვადასხვა პრობლემა, რომელიც ყველაზე ხშირად იჩენ კონდიციონერის მუშაობის შეფერხებას და ასევე მოცემულია რჩევები, რომლებიც დაგეხმარებათ მსგავსი პრობლემების მოგვარებაში. რატომ

სრულად

მაკულატურის ჩაბარება / makulaturis chabareba

მაკულატურის ჩაბარება მაკულატურა წარმოადგენს ვადაგასული ქაღალდის, მუყაოს ნაკეთობისა, პოლიგრაფიული და კიდევ სხვა საწარმოთა ქაღალდის ნარჩენებს. მაკულატურას, როგორც წესი იყენებენ მეორად საქონლად ქაღალდის ფაბრიკებში. მაკულატურის უტილიზაციას საკმაოდ დიდი მნიშვნელობა და სარგებელი აქვს სახალხო / სამეურნეო თვალსაზრისით. მაშინ, როდესაც მაკულატურას აბარებთ შესაბამის დაწესებულებებში, თქვენ ამით ეხმარებით და საშუალებას აძლევთ, დაიზოგოს მერქნის ნედლეული და ამავდროულად შეამციროთ მზა პროდუქციის თვითღირებულებაც კი. მაკულატურა

სრულად

მილების გაწმენდა (კანალიზაცია) / milebis gawmenda (kanalizacia)

მილების გაწმენდა (კანალიზაცია) არასასიამოვნო სუნი ან წყლის დაგუბება ნიჟარაში შეიძლება სწრაფადვე გადაიქცეს წყლის გადინების პრობლემად. საჭიროა, რეგულარულად გაწმინდოთ მილები, რადგან მილების გაუწმენდავობამ შესაძლოა თავად კანალიზაციის გაუდინრობამდეც კი მიგიყვანოთ. თუ აღმოაჩენთ, რომ წყალი აღარ გაედინება სწორად, შეგიძლიათ მიმართოთ რამდენიმე ხერხს, რომ თქვენი ნიჟარაც არ დააბინძუროს წყალმა და კოროზიაც არ გამოიწვიოს. ქვემოთ განხილულია არაერთი შემთხვევა და ყევლა შესაძლო მეთოდი პრობლემის აღმოსაფხვრელად. როგორ გავწმინდოთ წყალსადენი მილები სუნისა

სრულად

მტვერსასრუტის შეკეთება / Mtversasrutis sheketeba

მტვერსასრუტის შეკეთება მტვერსასრუტი ითვლება ერთ-ერთ ყველაზე პოპულარულ, გავრცელებულ და საჭირო საყოფაცხოვრებო ტექნიკის ელექტრონულ ხელსაწყოდ. მტვერსასრუტები, როგორც წესი, დაახლოებით 8-დან 12 წლამდე ახერხებენ ეფექტურად მუშაობას, რაც ძირითადად დამოკიდებულია მათ მოდელზე, ტიპზე, ხარისხზე, გამოყენების სიხშირესა და ზოგადად მის შენარჩუნებაზე. მანამ სანამ, დეტალურ განხილვაზე გადავიდოდეთ, თუ რა პრობლემები და სირთულეები შეიძლება გამოავლინოს მტვერსასრუტმა და როგორ გავუმკლავდეთ და შევაკეთოთ ის, საჭიროა განვასხვაოთ მტვერსასრუტების რამდენიმე ტიპი, მათგან ყველაზე ფართოდ გამოყენებადი არის ჩვეულებრივი (ე.წ. ბალონის ტიპის) და ვერტიკალური ტიპის მტვერსასრუტები. ვერტიკალური მტვერსასრუტი. ვერტიკალური

სრულად
დარეკვა
ტელ: (032) 2 110 111
ტელ: 596 50 11 22